tujh tegh ki nigah se mera kaT gaya hai dil
tujh teġh kī nigah se mirā kaT gayā hai dil
bhītar siine ke TukḌe ho kar phaT gayā hai dil
jab se jamāl terā maiñ dekhā hai ai sanam
tab se sabhī taraf se mirā haT gayā hai dil
andāz-e-nāz qahr hai us ke na maiñ kahūñ
par ḳhāl-o-ḳhat meñ jā ke tire baT gayā hai dil
aage ko baḌh sake hai na pīchhe ko haT sake
yaañ tak tire ḳhayāl meñ ab DaT gayā hai dil
zarrā se dekhte hī ye badlī nazar tirī
man meñ chhaTañkī ser pīchhe ghaT gayā hai dil
hotā hai shab ko jā ke ham-āġhosh ġhair se
ye baat sun ke yaar nipaT chhaT gayā hai dil
jaisā hai sabz ḳhat tirā aur shoḳh chashm
in donoñ biich aa ke mirā luT gayā hai dil
tujh tegh ki nigah se mera kaT gaya hai dil
bhitar sine ke TukDe ho kar phaT gaya hai dil
jab se jamal tera main dekha hai ai sanam
tab se sabhi taraf se mera haT gaya hai dil
andaz-e-naz qahr hai us ke na main kahun
par KHal-o-KHat mein ja ke tere baT gaya hai dil
aage ko baDh sake hai na pichhe ko haT sake
yan tak tere KHayal mein ab DaT gaya hai dil
zarra se dekhte hi ye badli nazar teri
man mein chhaTanki ser pichhe ghaT gaya hai dil
hota hai shab ko ja ke ham-aghosh ghair se
ye baat sun ke yar nipaT chhaT gaya hai dil
jaisa hai sabz KHat tera aur shoKH chashm
in donon bich aa ke mera luT gaya hai dil
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
