tujhe bhulane ki ab justuju nahin karte

tujhe bhulāne kī ab justujū nahīñ karte

ki ab kisī se tirī guftugū nahīñ karte

vujūd ko mire maujūdgī samajhte haiñ

vo nā-samajh jo mirī aarzū nahīñ karte

haiñ mehrbān shajar kis qadar ki ho ke ḳhafā

kabhī vo phūloñ ko be-rang-o-bū nahīñ karte

jo apne 'ishq ko ḳhud meñ samā.e phirte haiñ

talāsh phir vo use kū-ba-kū nahīñ karte

vo jin ko paas ho apne gharoñ kī hurmat kā

kisī ko vo kabhī be-ābrū nahīñ karte

rumūz-e-‘ishq jo ik baar jaan lete haiñ

kisī ke dil ko kabhī vo lahū nahīñ karte

namāz ġhazloñ kī merī adā nahīñ hotī

jo harf naam se tere vuzū nahīñ karte

tujhe bhulane ki ab justuju nahin karte

ki ab kisi se teri guftugu nahin karte

wujud ko mere maujudgi samajhte hain

wo na-samajh jo meri aarzu nahin karte

hain mehrban shajar kis qadar ki ho ke KHafa

kabhi wo phulon ko be-rang-o-bu nahin karte

jo apne 'ishq ko KHud mein samae phirte hain

talash phir wo use ku-ba-ku nahin karte

wo jin ko pas ho apne gharon ki hurmat ka

kisi ko wo kabhi be-abru nahin karte

rumuz-e-‘ishq jo ek bar jaan lete hain

kisi ke dil ko kabhi wo lahu nahin karte

namaz ghazlon ki meri ada nahin hoti

jo harf nam se tere wuzu nahin karte