tujhe DhunDhti hain nazren mujhe ek jhalak dikha ja
tujhe DhunDhti hain nazren mujhe ek jhalak dikha ja
Fana bulandshahri
MORE BYFana bulandshahri
tujhe DhūñDhtī haiñ nazreñ mujhe ik jhalak dikhā jā
mirī zindagī ke mālik mirī zindagī meñ aa jā
na ġharaz sanam-kade se na haram se koī matlab
mujhe vāsta hai tujh se mire dil meñ tū samā jā
tū bichhaḌ gayā hai jab se mirī niiñd uḌ ga.ī hai
tirī raah tak rahā huuñ mire chāñd ab to aa jā
mujhe dard de ke apnā tū kahāñ chhupā hai jā kar
mirā dil churāne vaale mujhe shakl to dikhā jā
tirā dard ban gayā hai mirī zindagī kā hāsil
mire dil pe haath rakh de zarā hausla baḌhā jā
mujhe aa ke de sahārā ye qadam na Dagmagā.eñ
kahīñ maiñ bhaTak na jā.ūñ mujhe rāsta dikhā jā
mire naam kī nishānī na rahe jahāñ meñ baaqī
mirī jaan lene vaale mirī qabr bhī miTā jā
tire husn pe fidā huuñ tire ishq meñ 'fanā' huuñ
mujhe terī aarzū hai mirī ḳhalvatoñ meñ aa jā
tujhe DhunDhti hain nazren mujhe ek jhalak dikha ja
meri zindagi ke malik meri zindagi mein aa ja
na gharaz sanam-kade se na haram se koi matlab
mujhe wasta hai tujh se mere dil mein tu sama ja
tu bichhaD gaya hai jab se meri nind uD gai hai
teri rah tak raha hun mere chand ab to aa ja
mujhe dard de ke apna tu kahan chhupa hai ja kar
mera dil churane wale mujhe shakl to dikha ja
tera dard ban gaya hai meri zindagi ka hasil
mere dil pe hath rakh de zara hausla baDha ja
mujhe aa ke de sahaara ye qadam na Dagmagaen
kahin main bhaTak na jaun mujhe rasta dikha ja
mere nam ki nishani na rahe jahan mein baqi
meri jaan lene wale meri qabr bhi miTa ja
tere husn pe fida hun tere ishq mein 'fana' hun
mujhe teri aarzu hai meri KHalwaton mein aa ja
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
