تجھے دل سے اتارا ہی نہیں تھا
کہ تیرے بن گزارہ ہی نہیں تھا
ہمیں بھی زندگی مشکل لگی تھی
یہ عالم بس تمہارا ہی نہیں تھا
پلٹ کے آ بھی سکتا تھا وہ لیکن
اسے ہم نے پکارا ہی نہیں تھا
ترے لہجے میں تبدیلی چہ معنی
تری جانب اشارہ ہی نہیں تھا
اسے الزام دھرنا تھا کسی پر
کہ کوئی اور چارہ ہی نہیں تھا
یہ صدمہ یوں بھی مشکل ہے کہ پہلے
کبھی میں خود سے ہارا ہی نہیں تھا
کٹے ہیں وہ بھی لمحے زندگی سے
جنہیں ہم نے گزارہ ہی نہیں تھا
بہت آسان ہو سکتی تھیں راہیں
ہمیں چلنا گوارہ ہی نہیں تھا
محبت پر یہ وقت آنا تھا انورؔ
کوئی صدقہ اتارا ہی نہیں تھا
- کتاب : Word File Mail By Salim Saleem
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
