tujhe duniya main ab Thukra raha hun

tujhe duniyā maiñ ab Thukrā rahā huuñ

tirī sun kar bahut pachhtā rahā huuñ

mirī bulbul yahīñ maujūd rahnā

ḳhizāñ ko duur le kar jā rahā huuñ

jahāñ par saikḌoñ din qaid thā tū

vahīñ se chaar din meñ aa rahā huuñ

samā jaate the mujh meñ zaḳhm saare

maiñ apne dil ke jaise vā rahā huuñ

parinde uḌ rahe sur-tāl meñ sab

ḳhushī ke giit gaatā jā rahā huuñ

mujhe khānā dobāra dījiyegā

maiñ bartan saaf kar ke aa rahā huuñ

mire baare meñ thoḌā soch lenā

tire dil se nikālā jā rahā huuñ

tum apne aap ko ilzām mat do

maiñ apne aap se uktā rahā huuñ

abhī mauqa hai mujh ko rok le tū

tire nāzuk badan tak aa rahā huuñ

tujhe duniya main ab Thukra raha hun

teri sun kar bahut pachhta raha hun

meri bulbul yahin maujud rahna

KHizan ko dur le kar ja raha hun

jahan par saikDon din qaid tha tu

wahin se chaar din mein aa raha hun

sama jate the mujh mein zaKHm sare

main apne dil ke jaise wa raha hun

parinde uD rahe sur-tal mein sab

KHushi ke git gata ja raha hun

mujhe khana dobara dijiyega

main bartan saf kar ke aa raha hun

mere bare mein thoDa soch lena

tere dil se nikala ja raha hun

tum apne aap ko ilzam mat do

main apne aap se ukta raha hun

abhi mauqa hai mujh ko rok le tu

tere nazuk badan tak aa raha hun