tujhe hai mashq-e-sitam ka malal waise hi

tujhe hai mashq-e-sitam kā malāl vaise hī

hamārī jaan thī jaañ par vabāl vaise hī

chalā thā zikr zamāne kī bevafā.ī kā

so aa gayā hai tumhārā ḳhayāl vaise hī

ham aa ga.e haiñ tah-e-dām to nasīb apnā

vagarna us ne to pheñkā thā jaal vaise hī

maiñ roknā hī nahīñ chāhtā thā vaar us kā

girī nahīñ mire hāthoñ se Dhaal vaise hī

zamāna ham se bhalā dushmanī to kyā rakhtā

so kar gayā hai hameñ pā.emāl vaise hī

mujhe bhī shauq na thā dāstāñ sunāne kā

'farāz' us ne bhī pūchhā thā haal vaise hī

tujhe hai mashq-e-sitam ka malal waise hi

hamari jaan thi jaan par wabaal waise hi

chala tha zikr zamane ki bewafai ka

so aa gaya hai tumhaara KHayal waise hi

hum aa gae hain tah-e-dam to nasib apna

wagarna us ne to phenka tha jal waise hi

main rokna hi nahin chahta tha war us ka

giri nahin mere hathon se Dhaal waise hi

zamana hum se bhala dushmani to kya rakhta

so kar gaya hai hamein paemal waise hi

mujhe bhi shauq na tha dastan sunane ka

'faraaz' us ne bhi puchha tha haal waise hi