aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

تجھے کل ہی سے نہیں بے کلی نہ کچھ آج ہی سے رہا قلق

قلق میرٹھی

تجھے کل ہی سے نہیں بے کلی نہ کچھ آج ہی سے رہا قلق

قلق میرٹھی

MORE BYقلق میرٹھی

    تجھے کل ہی سے نہیں بے کلی نہ کچھ آج ہی سے رہا قلق

    تری عمر ساری یوں ہی کٹی تو ہمیشہ یوں ہی جیا قلقؔ

    ہوا دل کے جانے کا اب یقیں کہ وہ درد بر میں مرے نہیں

    نہ وہ اضطراب قضا کہیں نہ وہ حشر خیز بلا قلقؔ

    مجھے حشر کر دیا بیٹھنا مجھے قہر ہو گیا ٹھہرنا

    ہے بسان صبر گریز پا نہیں غم گسار مرا قلق

    انہیں نالہ کرنے کا رنج کیا انہیں آہ بھرنے کا رنج کیا

    انہیں میرے مرنے کا رنج کیا انہیں میرے جانے کا کیا قلق

    یہی رشک نے دیے مشورے کبھی پردہ ان کا نہ کھولیے

    مرے جی ہی جی میں پھرا کیے مرے دل ہی دل میں رہا قلق

    نہ تو روئے غیر نہ گھر رہے نہ شب فراق میں مر رہے

    نہ وفا کرے نہ ستم سہے نہ جفا ہوئی نہ ہوا قلق

    نہ وہ میں رہا نہ وہ تو رہا نہ وہ آرزو نہ وہ مدعا

    ہوا زندگی کا بھی فیصلہ مگر ایک تیرا رہا قلق

    رہے لاکھ صدمے نفس نفس جیے کیوں کہ کوئی پرائے بس

    شب وصل مرنے کی تھی ہوس شب ہجر جینے کا تھا قلق

    نہیں چین ان کو بھی ایک دم کہ ہے فکر جور کا غم سا غم

    ہوئے مجھ پہ روز نئے ستم رہا ان کو روز نیا قلق

    کرے ربط کوئی کسی سے کیا کہ اٹھا طریق نباہ کا

    نہ کرے گی تجھ سے وفا جفا نہ کرے گا مجھ سے وفا قلق

    میں جلا تو شعلے میں جوش تھا جو ہوا میں خاک ہے زلزلہ

    میں ہزار شکل بدل چکا پہ کسی طرح نہ چھپا قلق

    نہیں تیرے پھرنے کا کچھ گلہ کہ زمانہ سارا بدل گیا

    جو شب وصال میں چین تھا وہی روز ہجر بنا قلق

    وہ ہے التفات دم ستم کہ زیادہ اس سے نہیں کرم

    مرے چاک دل کا رفو الم مرے درد جاں کی دوا قلق

    گئے واں بھی پر نہ گھٹا الم چھٹے سب سے پر نہ چھٹا الم

    مرے پاس سے نہ ہٹا الم مرے ساتھ سے نہ ٹلا قلق

    ابھی تھا صلاۓ زن سبق ابھی تھی کتاب ورق ورق

    کبھی مدرسے میں رہا قلقؔ کبھی میکدے میں رہا قلقؔ

    مأخذ:

    Kulliyat-e-Qalaq (Pg. ebook-205 page-127)

    • مصنف: قلق میرٹھی
      • اشاعت: 1966
      • ناشر: سید امتیاز علی تاج, مجلس ترقی ادب، لاہور
      • سن اشاعت: 1966

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے