tujhe kho kar teri hi yaad mein KHud ko magan karna

tujhe kho kar tirī hī yaad meñ ḳhud ko magan karnā

ḳhayāloñ meñ tujhe chhūnā tasavvur meñ suḳhan karnā

kahāñ tak ġham ko siine meñ lagā rakkheñge ham āḳhir

kahāñ tak zindagī ko markaz-e-ranj-o-mehan karnā

ye sach hai ishrateñ miltī haiñ bad-kāroñ ko duniyā meñ

magar kyoñ un kī ḳhātir zindagī ko bad-chalan karnā

sharāfat kī hadoñ ko paar karke DhūñDhnā izzat

hameñ aatā nahīñ ye Dhoñg ye dīvāna-pan karnā

hameñ bād-e-muḳhālif laakh roke ham nahīñ ḳhā.if

hameñ aatā hai maqsad ke liye laḌnā jatan karnā

na karnā kaam daftar meñ lagānā boss ko maska

ba-vaqt-e-guftugū tar shahd meñ apne suḳhan karnā

javānī chaar din kī hai hañseñ kheleñ maze le leñ

udāsī oḌh kar kyoñ chāñd sūrat ko gahan karnā

'azīm' is dil ko sarshārī ḳhayāl-e-yār baḳhshegā

hameñ aatā hai apnī ḳhalvatoñ ko anjuman karnā

tujhe kho kar teri hi yaad mein KHud ko magan karna

KHayalon mein tujhe chhuna tasawwur mein suKHan karna

kahan tak gham ko sine mein laga rakkhenge hum aaKHir

kahan tak zindagi ko markaz-e-ranj-o-mehan karna

ye sach hai ishraten milti hain bad-karon ko duniya mein

magar kyon un ki KHatir zindagi ko bad-chalan karna

sharafat ki hadon ko par karke DhunDhna izzat

hamein aata nahin ye Dhong ye diwana-pan karna

hamein baad-e-muKHalif lakh roke hum nahin KHaif

hamein aata hai maqsad ke liye laDna jatan karna

na karna kaam daftar mein lagana boss ko maska

ba-waqt-e-guftugu tar shahd mein apne suKHan karna

jawani chaar din ki hai hansen khelen maze le len

udasi oDh kar kyon chand surat ko gahan karna

'azim' is dil ko sarshaari KHayal-e-yar baKHshega

hamein aata hai apni KHalwaton ko anjuman karna