tujhe kya hua hai bata ai dil na sukun hai na qarar hai

tujhe kyā huā hai batā ai dil na sukūn hai na qarār hai

kabhī us hasīn kī chaah hai kabhī us nigār se pyaar hai

jo samajh meñ aa.e vo baat kyā ye muāmalāt haiñ ishq ke

ki naqāb ruḳh pe rahe magar hai yaqīn ye vahī yaar hai

ye haiñ apne zehn ke aks sab yahāñ asl kyā hai ḳhayāl kyā

ye ḳhizāñ ke rañg haiñ be-ḳhabar to samajh rahā hai bahār hai

vo bhalā sā naam thā kyā kahūñ mujhe ḳhud bhī yaad nahīñ rahā

mirī zindagī ke qarīb meñ vo jo ek musht-e-ġhubār hai

safar-e-talāsh-e-sukūn meñ baḌhe aur dard ke silsile

mujhe manziloñ kī ḳhabar nahīñ yahāñ sirf dasht haiñ ḳhaar hai

mujhe dard aisā hai chāragar yahī pūchh bas ke kahāñ nahīñ

ye yahāñ vahāñ kā savāl kyā ki jigar meñ mere sharār hai

tū hai ġharq dahr meñ sar talak hai yahīñ ke suud kī fikr bas

tirā zohd kaisā ajiib hai ki faqat sharāb se aar hai

tujhe kya hua hai bata ai dil na sukun hai na qarar hai

kabhi us hasin ki chah hai kabhi us nigar se pyar hai

jo samajh mein aae wo baat kya ye muamalat hain ishq ke

ki naqab ruKH pe rahe magar hai yaqin ye wahi yar hai

ye hain apne zehn ke aks sab yahan asl kya hai KHayal kya

ye KHizan ke rang hain be-KHabar to samajh raha hai bahaar hai

wo bhala sa nam tha kya kahun mujhe KHud bhi yaad nahin raha

meri zindagi ke qarib mein wo jo ek musht-e-ghubar hai

safar-e-talash-e-sukun mein baDhe aur dard ke silsile

mujhe manzilon ki KHabar nahin yahan sirf dasht hain KHar hai

mujhe dard aisa hai chaaragar yahi puchh bas ke kahan nahin

ye yahan wahan ka sawal kya ki jigar mein mere sharar hai

tu hai gharq dahr mein sar talak hai yahin ke sud ki fikr bas

tera zohd kaisa ajib hai ki faqat sharab se aar hai