Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tujhe naKHl-band-e-hayat ne teri kawishon ke ye phal diye

Barq Dehlvi

tujhe naKHl-band-e-hayat ne teri kawishon ke ye phal diye

Barq Dehlvi

tujhe naḳhl-band-e-hayāt ne tirī kāvishoñ ke ye phal diye

kiyā ḳhalq bāġh-e-jahāñ meñ jab to samar bhī hasb-e-'amal diye

koī DhūñDe le ke charāġh bhī na milegā un surāġh bhī

kahīñ un nām-o-nishāñ nahīñ jo 'adam ko qāfile chal diye

jo kisī ne himmateñ sarf kiiñ to dilī murādeñ use milīñ

jo shikam meñ ḳhaak ke the nihāñ vo dafīne us ne ugal diye

ye tilism-ḳhāna-e-dahr hai vo nazar fareb ki qahr hai

hameñ kyā hayāt-e-do-rozā jo hazār is meñ ḳhalal diye

ye ravā-ravī maqām hai ye ajal sheva-e-'ām hai

jo libās-e-zīst kahīñ hue to vo dam-zadan meñ badal ga.e

na ġharaz matā-e-jahāñ se kuchh na hamārā maal hai naqd-e-jāñ

tahī-dast aa.e the ham yahāñ tahī-dast dahr se chal diye

jo ma.āl-e-kār pe hai nazar dil-o-jāñ se ḳhidmat-e-ḳhalq kar

ki ye 'aql-o-hosh ye dast-o-pā tujhe bahr-e-husn-o-'amal diye

shash-jihat meñ hai zau-fishāñ nahīñ māsivā kahīñ nishāñ

pas-e-parda ho ke 'abas nihāñ ye fareb-e-husn-e-azal diye

na bahār-e-ḳhanda-e-gul hai ab na vo daur-e-sāġhar-e-mul hai ab

na vo baaġh hai na vo mai-kada ki ḳhizāñ ne rang badal diye

mire qalb par jo ye daaġh haiñ na kar in ko gul ye charāġh haiñ

mirī jaan shauq se le magar na bujhā ye bād-e-ajal diye

yahī 'barq' charḳh se hai gila hameñ gardishoñ ne miTā diyā

jo hamāre roz-e-nashāt the vo shab-e-alam se badal diye

tujhe naKHl-band-e-hayat ne teri kawishon ke ye phal diye

kiya KHalq bagh-e-jahan mein jab to samar bhi hasb-e-'amal diye

koi DhunDe le ke charagh bhi na milega un ka suragh bhi

kahin un ka nam-o-nishan nahin jo 'adam ko qafile chal diye

jo kisi ne himmaten sarf kin to dili muraden use milin

jo shikam mein KHak ke the nihan wo dafine us ne ugal diye

ye tilism-KHana-e-dahr hai wo nazar fareb ki qahr hai

hamein kya hayat-e-do-roza di jo hazar is mein KHalal diye

ye rawa-rawi ka maqam hai ye ajal ka shewa-e-'am hai

jo libas-e-zist kahin hue to wo dam-zadan mein badal gae

na gharaz mata-e-jahan se kuchh na hamara mal hai naqd-e-jaan

tahi-dast aae the hum yahan tahi-dast dahr se chal diye

jo maal-e-kar pe hai nazar dil-o-jaan se KHidmat-e-KHalq kar

ki ye 'aql-o-hosh ye dast-o-pa tujhe bahr-e-husn-o-'amal diye

tu hi shash-jihat mein hai zau-fishan nahin masiwa ka kahin nishan

pas-e-parda ho ke 'abas nihan ye fareb-e-husn-e-azal diye

na bahaar-e-KHanda-e-gul hai ab na wo daur-e-saghar-e-mul hai ab

na wo bagh hai na wo mai-kada ki KHizan ne rang badal diye

mere qalb par jo ye dagh hain na kar in ko gul ye charagh hain

meri jaan shauq se le magar na bujha ye baad-e-ajal diye

yahi 'barq' charKH se hai gila hamein gardishon ne miTa diya

jo hamare roz-e-nashat the wo shab-e-alam se badal diye

0
COMMENTS
VIEW COMMENTS VIEW COMMENTS

Additional information available

Click on the INTERESTING button to view additional information associated with this sher.

OKAY

About this sher

Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

Close

rare Unpublished content

This ghazal contains ashaar not published in the public domain. These are marked by a red line on the left.

OKAY

You have exhausted your 5 free content pages. Please Log In or Register to become a Rekhta Family member to access the full website.

Speak Now