tujhe pa kar kabhi dekha nahin hai

tujhe pā kar kabhī dekhā nahīñ hai

nahīñ mā'lūm tū hai yā nahīñ hai

sabhī ḳhush-fahmiyoñ meñ mubtalā hoñ

koī tujh ko abhī samjhā nahīñ hai

qadam kyoñ aage baḌhte jā rahe haiñ

agar ye rāsta ghar kā nahīñ hai

bahut come log haiñ pahchān vaale

yahāñ har jism meñ chehra nahīñ hai

kahāñ hoñge hamāre ḳhvāb puure

yahāñ jannat vahāñ duniyā nahīñ hai

jo apne shahr ko jannat banā de

koī is shahr meñ aisā nahīñ hai

mile haiñ bārhā mid.hat se ham bhī

vo achchhā hai magar itnā nahīñ hai

tujhe pa kar kabhi dekha nahin hai

nahin ma'lum tu hai ya nahin hai

sabhi KHush-fahmiyon mein mubtala hon

koi tujh ko abhi samjha nahin hai

qadam kyon aage baDhte ja rahe hain

agar ye rasta ghar ka nahin hai

bahut come log hain pahchan wale

yahan har jism mein chehra nahin hai

kahan honge hamare KHwab pure

yahan jannat wahan duniya nahin hai

jo apne shahr ko jannat bana de

koi is shahr mein aisa nahin hai

mile hain barha midhat se hum bhi

wo achchha hai magar itna nahin hai