tujhe qasam hai mera eatibar rahne de

tujhe qasam hai mirā e.atibār rahne de

vafā ke naam se kuchh iḳhtiyār rahne de

maqām-o-jubba-o-dastār kī nahīñ ḳhvāhish

nisār-e-jāñ ho ye dil ḳhāksār rahne de

na jaane kaun sī manzil pe dam nikal jaa.e

dil-e-hazīñ pe mohabbat kā baar rahne de

vafā ke naam ko rusvā na kar sake koī

surūr-o-lazzat-e-ġham ham-kanār rahne de

ye shoḳhiyāñ ye tafāḳhur riyā hai sab be-sūd

hayāt kyā hai faqat musta.ār rahne de

kahīñ talāsh se apnī na rok de mujh ko

ye vasvase ye savāloñ kā baar rahne de

na noch kar ise siine se pheñk de apne

kisī kī yaad kā kuchh kuchh ḳhumār rahne de

gunāhgār sahī hai to banda-e-'sādiq'

ġharīq-e-rahmat-e-parvardigār rahne de

tujhe qasam hai mera eatibar rahne de

wafa ke nam se kuchh iKHtiyar rahne de

maqam-o-jubba-o-dastar ki nahin KHwahish

nisar-e-jaan ho ye dil KHaksar rahne de

na jaane kaun si manzil pe dam nikal jae

dil-e-hazin pe mohabbat ka bar rahne de

wafa ke nam ko ruswa na kar sake koi

surur-o-lazzat-e-gham ham-kanar rahne de

ye shoKHiyan ye tafaKHur riya hai sab be-sud

hayat kya hai faqat mustaar rahne de

kahin talash se apni na rok de mujh ko

ye waswase ye sawalon ka bar rahne de

na noch kar ise sine se phenk de apne

kisi ki yaad ka kuchh kuchh KHumar rahne de

gunahgar sahi hai to banda-e-'sadiq'

ghariq-e-rahmat-e-parwardigar rahne de