tujhe sunaun ghazal ya sunaun apna gham

tujhe sunā.ūñ ġhazal yā sunā.ūñ apnā ġham

zarā irāda batā tū bhī kuchh ai mere sanam

maiñ shāhzādī huuñ alfāz ke riyāsat kī

ḳhazāna sher-o-suḳhan kā kabhī na hogā kam

nibhā rahe haiñ sabhī se ḳhulūs ke rishte

isī se baaqī hai duniyā ke bāzūoñ meñ dam

jo ham se raat meñ tanhā.ī ham-kalām huī

sañvar gayā mire jazboñ kā aaj saarā ḳham

mujhe pasand nahīñ be-hayā.ī duniyā kī

koī sameT le aa kar tamīz kā yuuñ bharam

bayān kar diyā jazbāt maiñ ne bhī 'shīrīñ'

hunar ye apnā nahīñ hai ḳhudā kā ḳhaas karam

tujhe sunaun ghazal ya sunaun apna gham

zara irada bata tu bhi kuchh ai mere sanam

main shahzadi hun alfaz ke riyasat ki

KHazana sher-o-suKHan ka kabhi na hoga kam

nibha rahe hain sabhi se KHulus ke rishte

isi se baqi hai duniya ke bazuon mein dam

jo hum se raat mein tanhai ham-kalam hui

sanwar gaya mere jazbon ka aaj sara KHam

mujhe pasand nahin be-hayai duniya ki

koi sameT le aa kar tamiz ka yun bharam

bayan kar diya jazbaat main ne bhi 'shirin'

hunar ye apna nahin hai KHuda ka KHas karam