tujhe to aaj bhi hum be-shumar chahte hain

tujhe to aaj bhī ham be-shumār chāhte haiñ

ik aur tarah kā lekin qarār chāhte haiñ

hamārā mas.ala ye hai ki shaam hote hī

ham apne aap se thoḌā farār chāhte haiñ

palaTne vaale tujhe pahle hī batāyā thā

kisī bhī shaḳhs ko ham ek baar chāhte haiñ

ye log kyuuñ bhalā thakte dikhā.ī dete nahīñ

ab aur kitnā tirā intizār chāhte haiñ

hamāre tajrabe itne ziyāda Thiik nahīñ

so tujh se pyaar nahīñ e'tibār chāhte haiñ

ḳhudā havas se bachā.e magar ka.ī din se

tire badan pe bhī ham iḳhtiyār chāhte haiñ

tujhe to aaj bhi hum be-shumar chahte hain

ek aur tarah ka lekin qarar chahte hain

hamara masala ye hai ki sham hote hi

hum apne aap se thoDa farar chahte hain

palaTne wale tujhe pahle hi bataya tha

kisi bhi shaKHs ko hum ek bar chahte hain

ye log kyun bhala thakte dikhai dete nahin

ab aur kitna tera intizar chahte hain

hamare tajrabe itne ziyaada Thik nahin

so tujh se pyar nahin e'tibar chahte hain

KHuda hawas se bachae magar kai din se

tere badan pe bhi hum iKHtiyar chahte hain