tulu-e-subh hai nazren uTha ke dekh zara

tulū-e-sub.h hai nazreñ uThā ke dekh zarā

shikast-e-zulmat-e-shab muskurā ke dekh zarā

ġham-e-bahār o ġham-e-yār hī nahīñ sab kuchh

ġham-e-jahāñ se bhī dil ko lagā ke dekh zarā

bahār kaun sī sauġhāt le ke aa.ī hai

hamāre zaḳhm-e-tamannā tū aa ke dekh zarā

har ek samt se ik āftāb ubhregā

charāġh-e-dair-o-haram to bujhā ke dekh zarā

vajūd-e-ishq kī tārīḳh kā pata to chale

varaq ulaT ke tū arz o samā ke dekh zarā

mile to tū hī mile aur kuchh qubūl nahīñ

jahāñ meñ hausle ahl-e-vafā ke dekh zarā

tirī nazar se hai rishta mire girebāñ kā

kidhar hai merī taraf muskurā ke dekh zarā

tulu-e-subh hai nazren uTha ke dekh zara

shikast-e-zulmat-e-shab muskura ke dekh zara

gham-e-bahaar o gham-e-yar hi nahin sab kuchh

gham-e-jahan se bhi dil ko laga ke dekh zara

bahaar kaun si saughat le ke aai hai

hamare zaKHm-e-tamanna tu aa ke dekh zara

har ek samt se ek aaftab ubhrega

charagh-e-dair-o-haram to bujha ke dekh zara

wajud-e-ishq ki tariKH ka pata to chale

waraq ulaT ke tu arz o sama ke dekh zara

mile to tu hi mile aur kuchh qubul nahin

jahan mein hausle ahl-e-wafa ke dekh zara

teri nazar se hai rishta mere gireban ka

kidhar hai meri taraf muskura ke dekh zara