tum aa rahe ho ki ja rahe ho

tum aa rahe ho ki jā rahe ho

batāo kyoñ muskurā rahe ho

ye kaisā jalva dikhā rahe ho

nigāh-o-dil meñ samā rahe ho

karoge kyā ḳhaak ḳhāna-e-dil

nazar se bijlī girā rahe ho

milegā kyā aisā kar ke tum ko

kyoñ mujh ko nāhaq satā rahe ho

hai aarzī karr-o-far tumhārā

ye jashn jo tum manā rahe ho

manā.egā ḳhair apnī kab tak

jise tum ab tak bachā rahe ho

lahū pukāregā āstīñ kā

jo qatl kar ke chhupā rahe ho

jahāñ meñ kar degā tum ko rusvā

jo zulm 'barqī' pe Dhā rahe ho

tum aa rahe ho ki ja rahe ho

batao kyon muskura rahe ho

ye kaisa jalwa dikha rahe ho

nigah-o-dil mein sama rahe ho

karoge kya KHak KHana-e-dil

nazar se bijli gira rahe ho

milega kya aisa kar ke tum ko

kyon mujh ko nahaq sata rahe ho

hai aarzi karr-o-far tumhaara

ye jashn jo tum mana rahe ho

manaega KHair apni kab tak

jise tum ab tak bacha rahe ho

lahu pukarega aastin ka

jo qatl kar ke chhupa rahe ho

jahan mein kar dega tum ko ruswa

jo zulm 'barqi' pe Dha rahe ho