tum aae jab nahin nakaam lauT jaane ko

tum aa.e jab nahīñ nākām lauT jaane ko

to aao ḳhaak karo dil ke āshiyāne ko

bujhā bujhā sā hai kyuuñ aaj udaas udaas hai dil

hai koī koh-e-alam aur TuuT jaane ko

hai ārzū-e-dil-e-sogvār likhtā rahūñ

tamām umr tire ishq ke fasāne ko

bashar kī tañg-dilī is se baḌh ke kyā hogī

qafas samajhtā rahe apne āshiyāne ko

ye sher-o-fan ye mai-o-naġhma ye shabāb-o-rabāb

ye baḳhshisheñ haiñ ġham-e-zindagī bhulāne ko

dahan dahan ye udāsī nazar nazar ye malāl

ilāhī kaun sā ġham Das gayā zamāne ko

'jamāl' aur bhī sulgā gayā ye ātish-e-ġham

uThāyā jaam jo dil kī lagī bujhāne ko

tum aae jab nahin nakaam lauT jaane ko

to aao KHak karo dil ke aashiyane ko

bujha bujha sa hai kyun aaj udas udas hai dil

hai koi koh-e-alam aur TuT jaane ko

hai aarzu-e-dil-e-sogwar likhta rahun

tamam umr tere ishq ke fasane ko

bashar ki tang-dili is se baDh ke kya hogi

qafas samajhta rahe apne aashiyane ko

ye sher-o-fan ye mai-o-naghma ye shabab-o-rabab

ye baKHshishen hain gham-e-zindagi bhulane ko

dahan dahan ye udasi nazar nazar ye malal

ilahi kaun sa gham Das gaya zamane ko

'jamal' aur bhi sulga gaya ye aatish-e-gham

uThaya jam jo dil ki lagi bujhane ko