tum achchhe the tumko ruswa humne kiya

tum achchhe the tum ko rusvā ham ne kiyā

phir kahnā, kyā tum ne kahā, kyā ham ne kiyā

aañsū saare palkoñ hī meñ jazb hue

dariyā ko tasvīr-e-dariyā ham ne kiyā

ai mere dil tanhā dil chup chup rahnā

pahle bhī to shor kiyā, kyā ham ne kiyā

naqsh-garo! kab ham ne manzar badlā hai

chāñdī baal aur chehra sonā ham ne kiyā

aañsū ne dil kā har daaġh miTā Daalā

paanī se phir naqsh huvaidā ham ne kiyā

ḳhaak jo sahrā sahrā uḌtī phirtī thī

sar meñ Dālī, ek tamāshā ham ne kiyā

ba.ad apne ab kaun bhalā yaañ aa.egā

apne naam pe ḳhatm ye ḳhutba ham ne kiyā

tum achchhe the tum ko ruswa hum ne kiya

phir kahna, kya tum ne kaha, kya hum ne kiya

aansu sare palkon hi mein jazb hue

dariya ko taswir-e-dariya hum ne kiya

ai mere dil tanha dil chup chup rahna

pahle bhi to shor kiya, kya hum ne kiya

naqsh-garo! kab hum ne manzar badla hai

chandi baal aur chehra sona hum ne kiya

aansu ne dil ka har dagh miTa Dala

pani se phir naqsh huwaida hum ne kiya

KHak jo sahra sahra uDti phirti thi

sar mein Dali, ek tamasha hum ne kiya

baad apne ab kaun bhala yan aaega

apne nam pe KHatm ye KHutba hum ne kiya