tum aise paudon ne baDh kar shajar nahin hona

tum aise paudoñ ne baḌh kar shajar nahīñ honā

tumhāre saa.e se haTnā magar nahīñ honā

zamīn-o-āsmāñ ke apne apne mas.ale haiñ

kisī taraf se bhī tum be-ḳhabar nahīñ honā

safar se pahle kā kuchh vaqt un ġhamoñ ke naam

jinhoñ ne shāmil-e-raḳht-e-safar nahīñ honā

yahāñ se aage kahīñ ik jahān aur hai aur

mu'āmla jo idhar hai udhar nahīñ honā

abhī se bāhamī ishkāl duur kar liije

kabhī bhī aisī darāḌoñ ne dar nahīñ honā

alag haiñ achchhe bure vāzeh taur par yā'nī

phir is jagah se hamārā guzar nahīñ honā

ḳhalā-o-vaqt kī sātoñ jihāt meñ 'hāris'

vo ek lamha kisī se basar nahīñ honā

tum aise paudon ne baDh kar shajar nahin hona

tumhaare sae se haTna magar nahin hona

zamin-o-asman ke apne apne masale hain

kisi taraf se bhi tum be-KHabar nahin hona

safar se pahle ka kuchh waqt un ghamon ke nam

jinhon ne shamil-e-raKHt-e-safar nahin hona

yahan se aage kahin ek jahan aur hai aur

mu'amla jo idhar hai udhar nahin hona

abhi se bahami ishkal dur kar lije

kabhi bhi aisi daraDon ne dar nahin hona

alag hain achchhe bure wazeh taur par ya'ni

phir is jagah se hamara guzar nahin hona

KHala-o-waqt ki saton jihat mein 'haaris'

wo ek lamha kisi se basar nahin hona