تم بھی روٹھی رہو یہ گوارہ نہیں

تم بھی روٹھی رہو یہ گوارہ نہیں

ہے زمانے میں کوئی ہمارا نہیں

عکس جس میں ہو شامل تمہارا نہیں

ہے صنم وہ نظارا نظارا نہیں

ٹیس دل میں اٹھی تم کو آواز دی

میں نے اب تک کسی کو پکارا نہیں

اب بھلا تم سے کیسے کریں التجا

جب تمہیں ہم نے دل میں اتارا نہیں

عشق میں ڈوب کر کوئی ابھرا کہاں

ڈوبتے کو کسی کا سہارا نہیں

مانتا ہوں کہ یہ درد و غم ہے مرا

دوش کوئی بھی اس میں تمہارا نہیں

میں سناؤں غزل کیسے آتشؔ بھلا

نام فہرست میں جب ہمارا نہیں