tum bhi ruThi raho ye gawara nahin

tum bhī rūThī raho ye gavāra nahīñ

hai zamāne meñ koī hamārā nahīñ

'aks jis meñ ho shāmil tumhārā nahīñ

hai sanam vo nazārā nazārā nahīñ

Tiis dil meñ uThī tum ko āvāz dī

maiñ ne ab tak kisī ko pukārā nahīñ

ab bhalā tum se kaise kareñ iltijā

jab tumheñ ham ne dil meñ utārā nahīñ

'ishq meñ Duub kar koī ubhrā kahāñ

Dūbte ko kisī kā sahārā nahīñ

māntā huuñ ki ye dard-o-ġham hai mirā

dosh koī bhī is meñ tumhārā nahīñ

maiñ sunā.ūñ ġhazal kaise 'ātish' bhalā

naam fehrist meñ jab hamārā nahīñ

tum bhi ruThi raho ye gawara nahin

hai zamane mein koi hamara nahin

'aks jis mein ho shamil tumhaara nahin

hai sanam wo nazara nazara nahin

Tis dil mein uThi tum ko aawaz di

main ne ab tak kisi ko pukara nahin

ab bhala tum se kaise karen iltija

jab tumhein hum ne dil mein utara nahin

'ishq mein Dub kar koi ubhra kahan

Dubte ko kisi ka sahaara nahin

manta hun ki ye dard-o-gham hai mera

dosh koi bhi is mein tumhaara nahin

main sunaun ghazal kaise 'atish' bhala

nam fehrist mein jab hamara nahin