tum hamare ho hum tumhaare hain

tum hamāre ho ham tumhāre haiñ

ik samundar ke do kināre haiñ

dasht-e-imkāñ se kū-e-jānāñ tak

ziist ne kitne ruup dhāre haiñ

phuul ḳhushbū charāġh mauj-e-sabā

ye mohabbat ke isti.āre haiñ

kis liye raqs meñ hai charḳh-e-kuhan

kyoñ ta.āqub meñ chāñd taare haiñ

hāsil-e-zindagī haiñ vo lamhe

jo ġham-e-hijr meñ guzāre haiñ

sub.h-e-nau ke na.e na.e manzar

kitne dilkash haiñ kitne pyāre haiñ

jin ko 'aḳhtar' shu.ūr-e-zāt na thā

jiitī baazī vo log haare haiñ

tum hamare ho hum tumhaare hain

ek samundar ke do kinare hain

dasht-e-imkan se ku-e-jaanan tak

zist ne kitne rup dhaare hain

phul KHushbu charagh mauj-e-saba

ye mohabbat ke istiare hain

kis liye raqs mein hai charKH-e-kuhan

kyon taaqub mein chand tare hain

hasil-e-zindagi hain wo lamhe

jo gham-e-hijr mein guzare hain

subh-e-nau ke nae nae manzar

kitne dilkash hain kitne pyare hain

jin ko 'aKHtar' shuur-e-zat na tha

jiti bazi wo log haare hain