تم کبھی مائل کرم نہ ہوئے
تم کبھی مائل کرم نہ ہوئے
میری قسمت کے دور غم نہ ہوئے
اشک ریزی سے ہم ہوئے بے دم
تیرے دامن کے تار نم نہ ہوئے
ہم نے طور وفا نہیں بدلا
تیرے ظلم و ستم بھی کم نہ ہوئے
تھک گئے راہ کی صعوبت سے
میرے ساتھی مرے قدم نہ ہوئے
راستے میں جو تھک کے بیٹھ گئے
زندگی بھر وہ تازہ دم نہ ہوئے
ملتفت وہ رہے زمانہ پر
مورد لطف ایک ہم نہ ہوئے
جن کی خاطر حزیںؔ اٹھائے غم
وہ بھی اپنے شریک غم نہ ہوئے
مأخذ :
- کتاب : SAAZ-O-NAVA (Pg. 133)
- مطبع : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
