tum karoge nam raushan KHub tahir mir ka

tum karoge naam raushan ḳhuub 'tāhir' 'mīr' kā

mā-hasal ye hai tumhāre ḳhvāb kī tā'bīr kā

kis tarah tashbīh deñ jannat se deñ dozaḳh se deñ

kaunsā naqsha utāreñ ai ḳhirad kashmīr kā

shams-hā.e-shams tak dāman-darīda ho ga.e

falsafa vo falsafa hai falsafa taqdīr kā

maiñ zamāne ko nahīñ dūñgā mohabbat kā subūt

varna laanā kaunsā mushkil hai jū-e-shīr kā

raat din 'ahd-e-vafā hai sharmsārī kā shikār

toḌ Daalā haa.e qaidī ne bharam zanjīr kā

rakh diyā sūraj kī peshānī pe tābinda charāġh

ruḳh badal kar rakh diyā kis shaḳhs ne tasvīr kā

ai suḳhanvar ye suḳhan ke diin kī buniyād hai

rang aisā munfarid ho jaise 'dāġh'-o-'mīr' kā

pahle ḳhush-guftār lahja phir sitam par ye sitam

chashm-e-āhū se hasīñ mauzū' hai taqrīr kā

us kī āñkhoñ kā nasha kuchh aisā nashsha hai miyāñ

zā.iqa jaise sharāb-e-fikr kī tahrīr kā

tum karoge nam raushan KHub 'tahir' 'mir' ka

ma-hasal ye hai tumhaare KHwab ki ta'bir ka

kis tarah tashbih den jannat se den dozaKH se den

kaunsa naqsha utaren ai KHirad kashmir ka

shams-hae-shams tak daman-darida ho gae

falsafa wo falsafa hai falsafa taqdir ka

main zamane ko nahin dunga mohabbat ka subut

warna lana kaunsa mushkil hai ju-e-shir ka

raat din 'ahd-e-wafa hai sharmsari ka shikar

toD Dala hae qaidi ne bharam zanjir ka

rakh diya suraj ki peshani pe tabinda charagh

ruKH badal kar rakh diya kis shaKHs ne taswir ka

ai suKHanwar ye suKHan ke din ki buniyaad hai

rang aisa munfarid ho jaise 'dagh'-o-'mir' ka

pahle KHush-guftar lahja phir sitam par ye sitam

chashm-e-ahu se hasin mauzu' hai taqrir ka

us ki aankhon ka nasha kuchh aisa nashsha hai miyan

zaiqa jaise sharab-e-fikr ki tahrir ka