tumko chhoDa to aisa laga jaise KHud se alag ho gae

tum ko chhoḌā to aisā lagā jaise ḳhud se alag ho ga.e

ek manzil ko jaate hue apne raste alag ho ga.e

bas isī baat se ġham-zada bas isī baat kā dukh hameñ

dūsroñ se yuuñ milte hue mere apne alag ho ga.e

kuchh siyāsat se toḌe ga.e kuchh ko sāzish ne bahkā diyā

ek maañ ke haiñ jaa.e sabhī aaj kitne alag ho ga.e

raat kī samt dekho nahīñ niiñd us din se aa.ī nahīñ

jab se vālid ke hī sāmne us ke beTe alag ho ga.e

bas yahī haal hogā terā bas yahī haal hogā merā

jaise ek peḌ kī shāḳh se us ke patte alag ho ga.e

tum ko chhoDa to aisa laga jaise KHud se alag ho gae

ek manzil ko jate hue apne raste alag ho gae

bas isi baat se gham-zada bas isi baat ka dukh hamein

dusron se yun milte hue mere apne alag ho gae

kuchh siyasat se toDe gae kuchh ko sazish ne bahka diya

ek man ke hain jae sabhi aaj kitne alag ho gae

raat ki samt dekho nahin nind us din se aai nahin

jab se walid ke hi samne us ke beTe alag ho gae

bas yahi haal hoga tera bas yahi haal hoga mera

jaise ek peD ki shaKH se us ke patte alag ho gae