tum na ghabrao mere zaKHm-e-jigar ko dekh kar

tum na ghabrāo mire zaḳhm-e-jigar ko dekh kar

maiñ na mar jā.ūñ tumhārī chashm-e-tar ko dekh kar

zaḳhm taaza kar rahā huuñ chāragar ko dekh kar

rāsta maiñ ne badal Daalā ḳhizar ko dekh kar

zindagānī ik fareb-e-dā.imī hai sar-ba-sar

mujh pe ye zāhir huā shām-o-sahar ko dekh kar

garche un se koī ummīd-e-vafā mujh ko nahīñ

jī bahal jaatā hai phir bhī nāma-bar ko dekh kar

aaj insāñ se hai insāñ barsar-e-paikār yuuñ

al-amāñ shaitāñ paḌhe ḳhū-e-bashar ko dekh kar

aadmī meñ ādmiyyat kā nishāñ baaqī nahīñ

bech Daalā is ne īmāñ sīm-o-zar ko dekh kar

āsmāñ tak to ham ai 'rif.at' rahe garm-e-ḳhirām

us se aage chal na paa.e rāhbar ko dekh kar

tum na ghabrao mere zaKHm-e-jigar ko dekh kar

main na mar jaun tumhaari chashm-e-tar ko dekh kar

zaKHm taza kar raha hun chaaragar ko dekh kar

rasta main ne badal Dala KHizar ko dekh kar

zindagani ek fareb-e-daimi hai sar-ba-sar

mujh pe ye zahir hua sham-o-sahar ko dekh kar

garche un se koi ummid-e-wafa mujh ko nahin

ji bahal jata hai phir bhi nama-bar ko dekh kar

aaj insan se hai insan barsar-e-paikar yun

al-aman shaitan paDhe KHu-e-bashar ko dekh kar

aadmi mein aadmiyyat ka nishan baqi nahin

bech Dala is ne iman sim-o-zar ko dekh kar

aasman tak to hum ai 'rifat' rahe garm-e-KHiram

us se aage chal na pae rahbar ko dekh kar