تم نہیں تو ملال تھوڑی ہے

تم نہیں تو ملال تھوڑی ہے

جینا میرا محال تھوڑی ہے

ہو پریشان تو بہت تم بھی

بس برا میرا حال تھوڑی ہے

جو کمایا حرام ہے یا حلال

ہر کسی کو خیال تھوڑی ہے

ماں کی خدمت ہی جب نہیں کرتے

ساتھ رہنا کمال تھوڑی ہے

یہ خوشی میری عارضی ہے بس

میرے غم کا زوال تھوڑی ہے

مات مجھ کو ملی ہے ہر شے میں

حوصلہ پر نڈھال تھوڑی ہے

دوست بھی ہیں گنے چنے میرے

سب سے ملتا خیال تھوڑی ہے

ہم ہیں رازیؔ خدا کے نا فرمان

ہم پہ یوںہی زوال تھوڑی ہے