tumne dekha hai kabhi dil ye hamara TuTa

tum ne dekhā hai kabhī dil ye hamārā TuuTā

dekhne aatā hai har shaam sitārā TuuTā

reg-e-sāhil pe kisī naam kā aañsū Tapkā

mauj-e-betāb se dariyā kā kinārā TuuTā

dil kī ik samt banāyā thā koī shīsh-mahal

ġham kī āñdhī meñ magar saare kā saarā TuuTā

tez raftār safar se to gurezāñ hī rahe

ham kisī yaad meñ gum the ki ishārā TuuTā

ham to samjhe the mohabbat meñ baḌī tāqat hai

ye bharam bhī to sar-e-husn hamārā TuuTā

ek mazbūt ta.alluq hai shikasta 'manzar'

ḳhud ko barbād kiyā us ko sañvārā TuuTā

tum ne dekha hai kabhi dil ye hamara TuTa

dekhne aata hai har sham sitara TuTa

reg-e-sahil pe kisi nam ka aansu Tapka

mauj-e-betab se dariya ka kinara TuTa

dil ki ek samt banaya tha koi shish-mahal

gham ki aandhi mein magar sare ka sara TuTa

tez raftar safar se to gurezan hi rahe

hum kisi yaad mein gum the ki ishaara TuTa

hum to samjhe the mohabbat mein baDi taqat hai

ye bharam bhi to sar-e-husn hamara TuTa

ek mazbut talluq hai shikasta 'manzar'

KHud ko barbaad kiya us ko sanwara TuTa