tumne gar mujhko kabhi dil se pukara hota

tum ne gar mujh ko kabhī dil se pukārā hotā

phir bulandī pe mohabbat kā sitārā hotā

mere hāthoñ meñ agar haath tumhārā hotā

kitnā dilkash vo mirī jaan nazārā hotā

bas taḳhayyul hai tirī yaad hai tanhā.ī hai

kaash aise meñ mujhe tū ne pukārā hotā

apne mahbūb kī bas ek jhalak paane ko

yaar bechain kabhī dil na hamārā hotā

tū jo mil jaatā to mil jātīñ jahāñ kī ḳhushiyāñ

terā har zulm-o-sitam mujh ko gavāra hotā

tishnagī hoñToñ pe hotī na namī āñkhoñ meñ

vaqt-e-āḳhir jo agar saath tumhārā hotā

tum ne gar mujh ko kabhi dil se pukara hota

phir bulandi pe mohabbat ka sitara hota

mere hathon mein agar hath tumhaara hota

kitna dilkash wo meri jaan nazara hota

bas taKHayyul hai teri yaad hai tanhai hai

kash aise mein mujhe tu ne pukara hota

apne mahbub ki bas ek jhalak pane ko

yar bechain kabhi dil na hamara hota

tu jo mil jata to mil jatin jahan ki KHushiyan

tera har zulm-o-sitam mujh ko gawara hota

tishnagi honTon pe hoti na nami aankhon mein

waqt-e-aKHir jo agar sath tumhaara hota