tumne ek bar bhi is baat ko socha na kiya

tum ne ik baar bhī is baat ko sochā na kiyā

ki tumhāre liye is shaḳhs ne kyā kyā na kiyā

vo bhī mujrim hai ki us ne kī mohabbat tujh se

tū ne bhī haath chhuḌā kar koī achchhā na kiyā

phuul karte rahe tauhīn sadā ḳhāroñ kī

phir bhī bechāroñ ne ab tak koī shikva na kiyā

baat achchhā.iyoñ kī aa.ī to ai ġhair-e-vafā

maiñ ne kis jā tire ausāf kā charchā na kiyā

ruḳh-e-pur-nūr thā pahlū meñ mire vasl kī shab

is liye maiñ ne shabistāñ meñ ujālā na kiyā

ba.ad tere tirī tasvīr na dekhī maiñ ne

apne zaḳhmoñ ko dobāra kabhī gahrā na kiyā

ḳhud-kushī kī kisī maḳhlūq pe mar kar maiñ ne

is liye rab ne dobāra mujhe zinda na kiyā

ham hī tanhā rahe mahrūm karam se is ke

varna is peḌ ne kis shaḳhs pe saaya na kiyā

āḳhirī baar jise dekhā thā tum the jānāñ

aap ke baad dobāra kabhī aisā na kiyā

tū bhī rādhā na banī merī mohabbat meñ sanam

maiñ ne bhī ḳhud ko tire pyaar meñ kānhā na kiyā

vo mirā thā vo mirā hai vo rahegā merā

ham ne is tarh kā jhūTā koī da.avā na kiyā

kaliyāñ murjhā.ī thiiñ gulshan ke parinde chup the

bas isī vaj.h se sūraj ne saverā na kiyā

us ne chhoḌā jo mujhe puurā kā puurā chhoḌā

kaam ye bhī mire hamdam ne adhūrā na kiyā

uḌ chale kah ke ki kyā fā.eda ma.azūroñ se

TuuTī shāḳhoñ pe parindoñ ne baserā na kiyā

apnī zau detā rahā us ko hamesha sūraj

chāñd ko aaj talak us ne parāyā na kiyā

abd-o-ma.abūd meñ kuchh farq to baaqī rah jaa.e

is liye rab ne kisī shaḳhs ko yaktā na kiyā

husn ho rizq ho daulat ho ki shohrat ho 'suhail'

bhāgtī chīzoñ kā maiñ ne kabhī pīchhā na kiyā

tum ne ek bar bhi is baat ko socha na kiya

ki tumhaare liye is shaKHs ne kya kya na kiya

wo bhi mujrim hai ki us ne ki mohabbat tujh se

tu ne bhi hath chhuDa kar koi achchha na kiya

phul karte rahe tauhin sada KHaron ki

phir bhi bechaaron ne ab tak koi shikwa na kiya

baat achchhaiyon ki aai to ai ghair-e-wafa

main ne kis ja tere ausaf ka charcha na kiya

ruKH-e-pur-nur tha pahlu mein mere wasl ki shab

is liye main ne shabistan mein ujala na kiya

baad tere teri taswir na dekhi main ne

apne zaKHmon ko dobara kabhi gahra na kiya

KHud-kushi ki kisi maKHluq pe mar kar main ne

is liye rab ne dobara mujhe zinda na kiya

hum hi tanha rahe mahrum karam se is ke

warna is peD ne kis shaKHs pe saya na kiya

aaKHiri bar jise dekha tha tum the jaanan

aap ke baad dobara kabhi aisa na kiya

tu bhi radha na bani meri mohabbat mein sanam

main ne bhi KHud ko tere pyar mein kanha na kiya

wo mera tha wo mera hai wo rahega mera

hum ne is tarh ka jhuTa koi dawa na kiya

kaliyan murjhai thin gulshan ke parinde chup the

bas isi wajh se suraj ne sawera na kiya

us ne chhoDa jo mujhe pura ka pura chhoDa

kaam ye bhi mere hamdam ne adhura na kiya

uD chale kah ke ki kya faeda mazuron se

TuTi shaKHon pe parindon ne basera na kiya

apni zau deta raha us ko hamesha suraj

chand ko aaj talak us ne paraya na kiya

abd-o-mabud mein kuchh farq to baqi rah jae

is liye rab ne kisi shaKHs ko yakta na kiya

husn ho rizq ho daulat ho ki shohrat ho 'suhail'

bhagti chizon ka main ne kabhi pichha na kiya