tumne jab ghar mein andheron ko bula rakkha hai

tum ne jab ghar meñ añdheroñ ko bulā rakkhā hai

uTh ke so jaao ki darvāze pe kyā rakkhā hai

har kisī shaḳhs ke rone kī sadā aatī hai

phir kisī shaḳhs ne bastī ko jagā rakkhā hai

apnī ḳhātir bhī koī lafz tarāsheñ yaaro

ham ne kis vāste yuuñ ḳhud ko bhulā rakkhā hai

dekhne ko hai badan aur haqīqat ye hai

ek malba hai jo muddat se uThā rakkhā hai

tū agar thā to bahut duur the ham tujh se ki ab

tū nahīñ hai to tujhe paas biThā rakkhā hai

ham kisī tarah tujhe DhūñD leñ mumkin hī nahīñ

tū ne har raah ko sahrā se milā rakkhā hai

tum ne jab ghar mein andheron ko bula rakkha hai

uTh ke so jao ki darwaze pe kya rakkha hai

har kisi shaKHs ke rone ki sada aati hai

phir kisi shaKHs ne basti ko jaga rakkha hai

apni KHatir bhi koi lafz tarashen yaro

hum ne kis waste yun KHud ko bhula rakkha hai

dekhne ko hai badan aur haqiqat ye hai

ek malba hai jo muddat se uTha rakkha hai

tu agar tha to bahut dur the hum tujh se ki ab

tu nahin hai to tujhe pas biTha rakkha hai

hum kisi tarah tujhe DhunD len mumkin hi nahin

tu ne har rah ko sahra se mila rakkha hai