tumne kitab bheji thi hum usko paDh gae

tum ne kitāb bhejī thī ham us ko paḌh ga.e

ab gherte haiñ zehn ko yādoñ ke qāfile

ham vaqt ke taqāze pe hargiz na jī sake

ye aur baat hai ki hue talḳh tajrabe

kitnā baḌā jahān hai bilkul patā na thā

ham apne hī banā.e gharoñdoñ meñ qaid the

āñkhoñ ke ird-gird ke chehre ubhar uThe

jab yaad aa.e Tiis kī sūrat vo hādse

us ke sabhī ḳhatoñ kī mahak aur baḌh ga.ī

takiye se sar nikāl ke rūmāl jab hañse

ab yaad aa rahī hai isī kashmakash kī baat

kuchh kaam to nahīñ thā magar phir bhī chal paḌe

tum tak pahuñch sakeñge ye ummīd to na thī

kyā ittifāq thā ki bahut paas aa ga.e

tum ne kitab bheji thi hum us ko paDh gae

ab gherte hain zehn ko yaadon ke qafile

hum waqt ke taqaze pe hargiz na ji sake

ye aur baat hai ki hue talKH tajrabe

kitna baDa jahan hai bilkul pata na tha

hum apne hi banae gharondon mein qaid the

aankhon ke ird-gird ke chehre ubhar uThe

jab yaad aae Tis ki surat wo hadse

us ke sabhi KHaton ki mahak aur baDh gai

takiye se sar nikal ke rumal jab hanse

ab yaad aa rahi hai isi kashmakash ki baat

kuchh kaam to nahin tha magar phir bhi chal paDe

tum tak pahunch sakenge ye ummid to na thi

kya ittifaq tha ki bahut pas aa gae