tumne kya kya nahin bua dekha

tum ne kyā kyā nahīñ buā dekhā

yaar sā koī chulbulā dekhā

phāñs letā hai bātoñ bātoñ meñ

nahīñ is gat kā marduvā dekhā

chashm-e-pur-nam ko bistar-e-ġham par

shab-e-furqat meñ āshnā dekhā

dūlhā bhaa.ī ke husn ko vallāh

āfat-e-jān fitna-zā dekhā

dil se utreñ buā to jab jānūñ

unheñ nazroñ se to girā dekhā

dil meñ kar kar ke ghar mujhe maarā

pyaar un kā buā balā dekhā

khule jauhar tamāsh-bīnī ke

shab tamāshā jo aap kā dekhā

ho nire ḳhālī Dhol shaiḳh jī tum

ḳhuub ham ne bajā bajā dekhā

dekhā kasbī muī ko hañs hañs kar

ham ko tyorī chaḌhā chaḌhā dekhā

kaho guyyāñ tumheñ ḳhudā kī qasam

koī 'mohsin' sā āshnā dekhā

tum ne kya kya nahin bua dekha

yar sa koi chulbula dekha

phans leta hai baaton baaton mein

nahin is gat ka marduwa dekha

chashm-e-pur-nam ko bistar-e-gham par

shab-e-furqat mein aashna dekha

dulha bhai ke husn ko wallah

aafat-e-jaan fitna-za dekha

dil se utren bua to jab jaanun

unhen nazron se to gira dekha

dil mein kar kar ke ghar mujhe mara

pyar un ka bua bala dekha

khule jauhar tamash-bini ke

shab tamasha jo aap ka dekha

ho nire KHali Dhol shaiKH ji tum

KHub hum ne baja baja dekha

dekha kasbi mui ko hans hans kar

hum ko tyori chaDha chaDha dekha

kaho guyyan tumhein KHuda ki qasam

koi 'mohsin' sa aashna dekha