tumne rasm-e-jafa uTha di hai

tum ne rasm-e-jafā uThā dī hai

hameñ kis jurm kī sazā dī hai

sham-e-ummīd kyuuñ jalā dī hai

ishq tārīkiyoñ kā aadī hai

aap ne ḳhud mujhe sadā dī hai

yā mirī quvvat-e-irādī hai

ham to muddat ke mar ga.e hote

maut ne zindagī baḌhā dī hai

ab duā par bhī e'timād nahīñ

nā-murādī sī nā-murādī hai

tujh sā bedād-gar kahāñ hogā

lab-e-har-zaḳhm ne duā dī hai

muḳhtalif haiñ tasavvurāt-e-jamāl

ye aqīda bhī infirādī hai

dekh fitrat kī bazm-ārā.ī

ḳhaak par chāñdnī bichhā dī hai

ye jo chhoTī sī hai kalī sar-e-shāḳh

baaġh kī baad shāhzādī hai

lab-e-tasvīr-e-dost kuchh to batā

kis ne ye ḳhāmushī sikhā dī hai

ai 'sabā' kīmiya-e-ġham ke liye

zindagī ḳhaak meñ milā dī hai

tum ne rasm-e-jafa uTha di hai

hamein kis jurm ki saza di hai

sham-e-ummid kyun jala di hai

ishq tarikiyon ka aadi hai

aap ne KHud mujhe sada di hai

ya meri quwwat-e-iradi hai

hum to muddat ke mar gae hote

maut ne zindagi baDha di hai

ab dua par bhi e'timad nahin

na-muradi si na-muradi hai

tujh sa bedad-gar kahan hoga

lab-e-har-zaKHm ne dua di hai

muKHtalif hain tasawwuraat-e-jamal

ye aqida bhi infiradi hai

dekh fitrat ki bazm-arai

KHak par chandni bichha di hai

ye jo chhoTi si hai kali sar-e-shaKH

bagh ki baad shahzadi hai

lab-e-taswir-e-dost kuchh to bata

kis ne ye KHamushi sikha di hai

ai 'saba' kimiya-e-gham ke liye

zindagi KHak mein mila di hai