tumne roka tha hum pe pani kyon

tum ne rokā thā ham pe paanī kyoñ

yaad karte nahīñ kahānī kyoñ

maiñ to dil kā amīr-zāda huuñ

laa.e poshāk ye shahānī kyoñ

kis kā ghar luT gayā sar-e-maqtal

bhuul jaate ho ye kahānī kyoñ

tishnagī merī bujh nahīñ saktī

DhūñDhtā hai mujhe ye paanī kyoñ

merā ghar luT gayā sar-e-maqtal

phir bhī kahte ho nauha-ḳhvānī kyoñ

bādshāh mere dar pe bante haiñ

tum ne dar-dar kī ḳhaak chhānī kyoñ

dekh kar mere dil meñ neze ko

sar paTaktī hai ye javānī kyoñ

tum ne sochā bhī hai kabhī vaa.iz

mere siine pe hai nishānī kyoñ

maiñ to insān saaf dil kā huuñ

mujh se rakhte ho bad-gumānī kyoñ

zindagī kaaT dī ġhulāmī meñ

chāhte ho ye hukmrānī kyoñ

shahroñ shahroñ ghumā.e phirte ho

nok-e-neza pe zindagānī kyoñ

merī tahzīb lūTne vaalo

mujh pe karte ho mehrbānī kyoñ

tum ne roka tha hum pe pani kyon

yaad karte nahin kahani kyon

main to dil ka amir-zada hun

lae poshak ye shahani kyon

kis ka ghar luT gaya sar-e-maqtal

bhul jate ho ye kahani kyon

tishnagi meri bujh nahin sakti

DhunDhta hai mujhe ye pani kyon

mera ghar luT gaya sar-e-maqtal

phir bhi kahte ho nauha-KHwani kyon

baadshah mere dar pe bante hain

tum ne dar-dar ki KHak chhani kyon

dekh kar mere dil mein neze ko

sar paTakti hai ye jawani kyon

tum ne socha bhi hai kabhi waiz

mere sine pe hai nishani kyon

main to insan saf dil ka hun

mujh se rakhte ho bad-gumani kyon

zindagi kaT di ghulami mein

chahte ho ye hukmrani kyon

shahron shahron ghumae phirte ho

nok-e-neza pe zindagani kyon

meri tahzib luTne walo

mujh pe karte ho mehrbani kyon