tum sa dilkash koi dekha hi nahin

tum sā dilkash koī dekhā hī nahīñ

aa.ina jhuuT boltā hī nahīñ

sun ke tārīf apnī sharmā.e

jaise ḳhud se vo āshnā hī nahīñ

jaan le kar vo kah uThe mujh se

is meñ merī koī ḳhatā hī nahīñ

chāragar ko ḳhabar nahīñ shāyad

dard-e-dil kī kuchh davā hī nahīñ

ham ne is dil ko laakh samjhāyā

zor dil par magar chalā hī nahīñ

ye mirā dil to ho chukā terā

mere bas meñ vo ab rahā hī nahīñ

merī hastī ko aas hai tujh se

bin tere koī aasrā hī nahīñ

dard furqat fuġhāñ ḳhalish nafrat

ye asāsa mujhe milā hī nahīñ

tum sa dilkash koi dekha hi nahin

aaina jhuT bolta hi nahin

sun ke tarif apni sharmae

jaise KHud se wo aashna hi nahin

jaan le kar wo kah uThe mujh se

is mein meri koi KHata hi nahin

chaaragar ko KHabar nahin shayad

dard-e-dil ki kuchh dawa hi nahin

hum ne is dil ko lakh samjhaya

zor dil par magar chala hi nahin

ye mera dil to ho chuka tera

mere bas mein wo ab raha hi nahin

meri hasti ko aas hai tujh se

bin tere koi aasra hi nahin

dard furqat fughan KHalish nafrat

ye asasa mujhe mila hi nahin