tum sath chale the to mere sath chala din

tum saath chale the to mire saath chalā din

tum raah se bichhḌe the ki bas Duub gayā din

jo tum se mahak jaa.e ik aisī na milī raat

jo tum se chamak jaa.e ik aisā na milā din

ik rañgī-e-hālāt se pathrā ga.iiñ āñkheñ

jis tarah kaTī raat usī tarah kaTā din

vo aur masāfat thī jise jhel chuke ham

ye aur masāfat hai jise jhel rahā din

tum sath chale the to mere sath chala din

tum rah se bichhDe the ki bas Dub gaya din

jo tum se mahak jae ek aisi na mili raat

jo tum se chamak jae ek aisa na mila din

ek rangi-e-haalat se pathra gain aankhen

jis tarah kaTi raat usi tarah kaTa din

wo aur masafat thi jise jhel chuke hum

ye aur masafat hai jise jhel raha din