tum samajh lete gar pareshani

tum samajh lete gar pareshānī

ham ko ho jaatī thoḌī āsānī

kaisā maarā thā us ne harfoñ ko

lafz bhāge uThā uThā ma.anī

aap kī baat ko raqam kar ke

ham ne paanī pe likh diyā paanī

koī pāgal hai aa ke pūchhegā

aap se aap kī pareshānī

Daal do kuchh havāoñ ke sar pe

itnī achchhī nahīñ hai uryānī

ham ko aanā hai beach meñ un ke

baat bilkul bigaḌ ga.ī ya.anī

merī duniyā ko lūTne vaalī

aag lag jaa.e tujh ko mar jaanī

aur kuchh din guzarne de mere

dhuul chāTegī terī tābānī

DhūñDhtī hai nigāh bhagdaḌ meñ

koī sūrat ho jānī-pahchānī

jis ko laanā hai le ke aa jaanā

ham khaḌe haiñ le dushman-e-jānī

tum samajh lete gar pareshani

hum ko ho jati thoDi aasani

kaisa mara tha us ne harfon ko

lafz bhage uTha uTha mani

aap ki baat ko raqam kar ke

hum ne pani pe likh diya pani

koi pagal hai aa ke puchhega

aap se aap ki pareshani

Dal do kuchh hawaon ke sar pe

itni achchhi nahin hai uryani

hum ko aana hai beach mein un ke

baat bilkul bigaD gai yani

meri duniya ko luTne wali

aag lag jae tujh ko mar jaani

aur kuchh din guzarne de mere

dhul chaTegi teri tabani

DhunDhti hai nigah bhagdaD mein

koi surat ho jaani-pahchani

jis ko lana hai le ke aa jaana

hum khaDe hain le dushman-e-jaani