تم سمجھ لیتے گر پریشانی
ہم کو ہو جاتی تھوڑی آسانی
کیسا مارا تھا اس نے حرفوں کو
لفظ بھاگے اٹھا اٹھا معنی
آپ کی بات کو رقم کر کے
ہم نے پانی پہ لکھ دیا پانی
کوئی پاگل ہے آ کے پوچھے گا
آپ سے آپ کی پریشانی
ڈال دو کچھ ہواؤں کے سر پہ
اتنی اچھی نہیں ہے عریانی
ہم کو آنا ہے بیچ میں ان کے
بات بالکل بگڑ گئی یعنی
میری دنیا کو لوٹنے والی
آگ لگ جائے تجھ کو مر جانی
اور کچھ دن گزرنے دے میرے
دھول چاٹے گی تیری تابانی
ڈھونڈھتی ہے نگاہ بھگدڑ میں
کوئی صورت ہو جانی پہچانی
جس کو لانا ہے لے کے آ جانا
ہم کھڑے ہیں لے دشمن جانی
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
