tum se kis ne kah diya ki KHud-kushi ke sath hain

tum se kis ne kah diyā ki ḳhud-kushī ke saath haiñ

ham to jānāñ zindagī-bhar zindagī ke saath haiñ

baap ke hote hue bhī jaise ho koī yatīm

paas meñ dariyā hai aur ham tishnagī ke saath haiñ

hijr kī rātoñ meñ us ne raushnī baḳhshī inheñ

is liye ye log saare chāñdnī ke saath haiñ

ham ko jo dikhtī hai duniyā asl meñ vo hai nahīñ

jin kā maz.hab tīrgī hai raushnī ke saath haiñ

saath jis ke saikḌoñ haiñ saath us ke ham nahīñ

saath jis ke ho na koī ham usī ke saath haiñ

aaj pahlī martaba vo chhat pe tanhā aa.e haiñ

haa.e la.anat bhejo ham par ham kisī ke saath haiñ

tum se kis ne kah diya ki KHud-kushi ke sath hain

hum to jaanan zindagi-bhar zindagi ke sath hain

bap ke hote hue bhi jaise ho koi yatim

pas mein dariya hai aur hum tishnagi ke sath hain

hijr ki raaton mein us ne raushni baKHshi inhen

is liye ye log sare chandni ke sath hain

hum ko jo dikhti hai duniya asl mein wo hai nahin

jin ka mazhab tirgi hai raushni ke sath hain

sath jis ke saikDon hain sath us ke hum nahin

sath jis ke ho na koi hum usi ke sath hain

aaj pahli martaba wo chhat pe tanha aae hain

hae lanat bhejo hum par hum kisi ke sath hain