tum se multaji ho kar kya bataen kya paya

tum se multajī ho kar kyā batā.eñ kyā paayā

dil ke mudda'ī the ham dil kā mudda'ā paayā

ibtidā-e-ālam se intihā-e-ālam tak

tum ko ibtidā dekhā tum ko intihā paayā

sādgī-e-dil dekho e'tibār kar baiThe

ho ga.e usī ke ham jis ko āshnā paayā

ham se pūchhte kyā ho apne dil se ḳhud pūchho

ham ne tum se kyā paayā tum ne ham se kyā paayā

aañkh kholte hī kyuuñ is qadar masarrat hai

sub.h-dam 'munavvar' kyā tum ne kuchh paḌā paayā

tum se multaji ho kar kya bataen kya paya

dil ke mudda'i the hum dil ka mudda'a paya

ibtida-e-alam se intiha-e-alam tak

tum ko ibtida dekha tum ko intiha paya

sadgi-e-dil dekho e'tibar kar baiThe

ho gae usi ke hum jis ko aashna paya

hum se puchhte kya ho apne dil se KHud puchho

hum ne tum se kya paya tum ne hum se kya paya

aankh kholte hi kyun is qadar masarrat hai

subh-dam 'munawwar' kya tum ne kuchh paDa paya