tum se na koi shikwa shikayat na gila hai

tum se na koī shikva shikāyat na gila hai

jo dard thā qismat meñ vahī dard milā hai

har koī samajhtā hai ki hañstā huuñ to ḳhush huuñ

ye kis ko batā.eñ ye hunar ġham se milā hai

ḳhud apnī tamannāoñ ke pahre meñ hai hastī

kab chāñd kisī shaḳhs ke hāthoñ meñ khilā hai

ik jism nahīñ ruuh bhī mahkī hai hamārī

vo jab bhī mohabbat se gale ham se milā hai

hotā hai tire naam se har roz ujālā

duniyā meñ mirī ab bhī tire dam se jilā hai

ai 'saif' samajh le ki isī shahr ne aksar

luuTā hai use jo bhī yahāñ dil se milā hai

tum se na koi shikwa shikayat na gila hai

jo dard tha qismat mein wahi dard mila hai

har koi samajhta hai ki hansta hun to KHush hun

ye kis ko bataen ye hunar gham se mila hai

KHud apni tamannaon ke pahre mein hai hasti

kab chand kisi shaKHs ke hathon mein khila hai

ek jism nahin ruh bhi mahki hai hamari

wo jab bhi mohabbat se gale hum se mila hai

hota hai tere nam se har roz ujala

duniya mein meri ab bhi tere dam se jila hai

ai 'saif' samajh le ki isi shahr ne aksar

luTa hai use jo bhi yahan dil se mila hai