tum sikh to lo pahle zara KHak pe rahna

tum siikh to lo pahle zarā ḳhaak pe rahnā

phir chāhe mah-o-anjum-o-aflāk pe rahnā

sūrat hī na ban paatī koī hairat-e-dil kī

miTTī ko na raas aatā agar chaak pe rahnā

har shaam sitam laatī hai ik sub.h-e-ġharībāñ

ai rañg-e-vafā chādar-e-sad-chāk pe rahnā

khulne hī nahīñ detā koī rañg-e-tamannā

har lamha kisī ḳhauf kā idrāk pe rahnā

ho phir se chaman-zār-e-mohabbbat mirā sarsabz

ai shabnam-e-rahmat mire ḳhāshāk pe rahnā

tum sikh to lo pahle zara KHak pe rahna

phir chahe mah-o-anjum-o-aflak pe rahna

surat hi na ban pati koi hairat-e-dil ki

miTTi ko na ras aata agar chaak pe rahna

har sham sitam lati hai ek subh-e-ghariban

ai rang-e-wafa chadar-e-sad-chaak pe rahna

khulne hi nahin deta koi rang-e-tamanna

har lamha kisi KHauf ka idrak pe rahna

ho phir se chaman-zar-e-mohabbbat mera sarsabz

ai shabnam-e-rahmat mere KHashak pe rahna