tum to kahte the wo mausam hi nahin aane ka

tum to kahte the vo mausam hī nahīñ aane kā

aa ke dekho to nayā rang hai vīrāne kā

banñe lagtī hai jahāñ sher kī sūrat koī

ḳhauf rahtā hai vahīñ baat bigaḌ jaane kā

ham ko āvārgī kis dasht meñ laa.ī hai ki ab

koī imkāñ hī nahīñ lauT ke ghar jaane kā

dil ke patjhaḌ meñ to shāmil nahīñ zardī ruḳh kī

rang achchhā nahīñ is baaġh ke murjhāne kā

khā ga.ī ḳhuun kī pyāsī vo zamīñ ham ko hī

shauq thā kūcha-e-qātil kī havā khāne kā

tum to kahte the wo mausam hi nahin aane ka

aa ke dekho to naya rang hai virane ka

banne lagti hai jahan sher ki surat koi

KHauf rahta hai wahin baat bigaD jaane ka

hum ko aawargi kis dasht mein lai hai ki ab

koi imkan hi nahin lauT ke ghar jaane ka

dil ke patjhaD mein to shamil nahin zardi ruKH ki

rang achchha nahin is bagh ke murjhane ka

kha gai KHun ki pyasi wo zamin hum ko hi

shauq tha kucha-e-qatil ki hawa khane ka