tum ye samajh rahe the nishane pe aa gaya
tum ye samajh rahe the nishāne pe aa gayā
maiñ ghūm-phir ke apne Thikāne pe aa gayā
darbān se ulajhne kā ye fā.eda huā
bāhar vo mere shor machāne pe aa gayā
tārīf us ke kaam kī mahñgī paḌī mujhe
vo shaḳhs apne daam baḌhāne pe aa gayā
tasvīr us kī ghar meñ lagāne kī der thī
mālik-makān mujh ko uThāne pe aa gayā
phir yuuñ huā ki pyaas hī 'mahbūb' mar ga.ī
jis vaqt maiñ kueñ ke dahāne pe aa gayā
tum ye samajh rahe the nishane pe aa gaya
main ghum-phir ke apne Thikane pe aa gaya
darban se ulajhne ka ye faeda hua
bahar wo mere shor machane pe aa gaya
tarif us ke kaam ki mahngi paDi mujhe
wo shaKHs apne dam baDhane pe aa gaya
taswir us ki ghar mein lagane ki der thi
malik-makan mujh ko uThane pe aa gaya
phir yun hua ki pyas hi 'mahbub' mar gai
jis waqt main kuen ke dahane pe aa gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
