tumhaara husn jo mahdud-e-la-makan hota

tumhārā husn jo mahdūd-e-lā-makāñ hotā

surūr bāda-e-ulfat meñ phir kahāñ hotā

bahār meñ jo na andesha-e-ḳhizāñ hotā

to aish-e-daur-e-bahārāñ balā-e-jāñ hotā

vo aa ga.e to khile haiñ jarāhatoñ ke chaman

vagarna dard kā ehsās bhī kahāñ hotā

nigāh-e-lutf ko hotī dil-e-hazīñ kī talāsh

kabhī to yuuñ bhī mohabbat kā imtihāñ hotā

ye jashn-e-sub.h-e-bahārāñ ye zar-nigār kiran

kalī ke dard kā koī to rāz-dāñ hotā

jahāñ jahāñ ġham-e-daurāñ huā zarūr magar

na ho sakā ġham-e-jānāñ ki jāvedāñ hotā

tumhaara husn jo mahdud-e-la-makan hota

surur baada-e-ulfat mein phir kahan hota

bahaar mein jo na andesha-e-KHizan hota

to aish-e-daur-e-bahaaran bala-e-jaan hota

wo aa gae to khile hain jarahaton ke chaman

wagarna dard ka ehsas bhi kahan hota

nigah-e-lutf ko hoti dil-e-hazin ki talash

kabhi to yun bhi mohabbat ka imtihan hota

ye jashn-e-subh-e-bahaaran ye zar-nigar kiran

kali ke dard ka koi to raaz-dan hota

jahan jahan gham-e-dauran hua zarur magar

na ho saka gham-e-jaanan ki jawedan hota