tumhaare aane ka jab jab bhi ehtimam kiya
tumhaare aane ka jab jab bhi ehtimam kiya
Syed Mubeen Alvi Khairabadi
MORE BYSyed Mubeen Alvi Khairabadi
tumhāre aane kā jab jab bhī ehtimām kiyā
to hasratoñ ne adab se mujhe salām kiyā
kahāñ kahāñ na nazar ne tumhārī kaam kiyā
utar ke dil meñ umīdoñ kā qatl-e-ām kiyā
ġhamoñ ke daur meñ hañs kar jo pī ga.e aañsū
to aane vaalī masarrat ne ehtirām kiyā
ye kis ne chun ke masarrat ke phuul dāman se
ġhamoñ kā bojh mirī zindagī ke naam kiyā
'mubīn' gulshan-e-hastī meñ aag bhaḌkī hai
junūn-e-shauq ne kyā ḳhuub apnā kaam kiyā
tumhaare aane ka jab jab bhi ehtimam kiya
to hasraton ne adab se mujhe salam kiya
kahan kahan na nazar ne tumhaari kaam kiya
utar ke dil mein umidon ka qatl-e-am kiya
ghamon ke daur mein hans kar jo pi gae aansu
to aane wali masarrat ne ehtiram kiya
ye kis ne chun ke masarrat ke phul daman se
ghamon ka bojh meri zindagi ke nam kiya
'mubin' gulshan-e-hasti mein aag bhaDki hai
junun-e-shauq ne kya KHub apna kaam kiya
- Book : Pirahn-e-harf (Pg. 67)
- Author : Mubeen Alvi Khairabadi
- Publication : Mubeen Alvi Khairabadi (1999)
- Edition : 1999
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
