tumhaare chaak par ai kuza-gar lagta hai Dar hum ko

tumhāre chaak par ai kūza-gar lagtā hai Dar ham ko

ajab pāgal sī ik parchhā.īñ aatī hai nazar ham ko

ye kaisī baat hai din kī ghaḌī hai aur añdherā hai

chamaktī dhuup meñ sonā paḌā hai rāt-bhar ham ko

hameñ ghar se nikālā thā to ye bhī soch lenā thā

ki sāhab phir kabhī aanā nahīñ hai lauT kar ham ko

abhī thoḌā sā shāyad aur kuchh qissa chukānā hai

abhī kuchh aur thoḌī duur karnā hai safar ham ko

nahīñ ma.alūm kis chakkar meñ ye hālat banā Daalī

liye jaatā hai ik dariyā-e-be-tābī kidhar ham ko

tumhaare chaak par ai kuza-gar lagta hai Dar hum ko

ajab pagal si ek parchhain aati hai nazar hum ko

ye kaisi baat hai din ki ghaDi hai aur andhera hai

chamakti dhup mein sona paDa hai raat-bhar hum ko

hamein ghar se nikala tha to ye bhi soch lena tha

ki sahab phir kabhi aana nahin hai lauT kar hum ko

abhi thoDa sa shayad aur kuchh qissa chukana hai

abhi kuchh aur thoDi dur karna hai safar hum ko

nahin malum kis chakkar mein ye haalat bana Dali

liye jata hai ek dariya-e-be-tabi kidhar hum ko