tumhaare dard ki daulat uThae jate hain

tumhāre dard kī daulat uThā.e jaate haiñ

chale haiñ aise ki jaise parā.e jaate haiñ

sunā hai jab se anal-haq kā mājrā yaaro

atā-e-ishq ko fitna batā.e jaate haiñ

tumhāre hijr ke malbe meñ dab gayā koī

tumhāre rog ye bāteñ banā.e jaate haiñ

jafā ke dosh pe jalte hue charāġh mujhe

sitam kī nok pe jiinā sikhā.e jaate haiñ

barā.e naam jo tum se koī ta.alluq thā

usī ke bojh se kañdhe jhukā.e jaate haiñ

purāne zaḳhm jo kal āgahī kā hāsil the

mire shu.ūr kī miTTī meñ paa.e jaate haiñ

unhī kī aañkh kā rahtā hai tazkira aksar

unhī kī zulf ke qisse sunā.e jaate haiñ

hamāre beach koī tīsrā na aa.egā

ye lafz vo haiñ jo bas bhuul jaa.e jaate haiñ

vo ek shaḳhs asāsa hai qīmtī merā

usī ke naam pe duniyā luTā.e jaate haiñ

kisī kā pyaar tire ġham kured detā hai

tumhāre baad bahut āzmā.e jaate haiñ

ḳhudā 'ḳhalīl' ke sheroñ kī aabrū rakkhe

qalam kī nok pe aañsū bahā.e jaate haiñ

tumhaare dard ki daulat uThae jate hain

chale hain aise ki jaise parae jate hain

suna hai jab se anal-haq ka majra yaro

ata-e-ishq ko fitna batae jate hain

tumhaare hijr ke malbe mein dab gaya koi

tumhaare rog ye baaten banae jate hain

jafa ke dosh pe jalte hue charagh mujhe

sitam ki nok pe jina sikhae jate hain

barae nam jo tum se koi talluq tha

usi ke bojh se kandhe jhukae jate hain

purane zaKHm jo kal aagahi ka hasil the

mere shuur ki miTTi mein pae jate hain

unhi ki aankh ka rahta hai tazkira aksar

unhi ki zulf ke qisse sunae jate hain

hamare beach koi tisra na aaega

ye lafz wo hain jo bas bhul jae jate hain

wo ek shaKHs asasa hai qimti mera

usi ke nam pe duniya luTae jate hain

kisi ka pyar tere gham kured deta hai

tumhaare baad bahut aazmae jate hain

KHuda 'KHalil' ke sheron ki aabru rakkhe

qalam ki nok pe aansu bahae jate hain