تمہارے دل کو محبت سے خوش گمانیاں ہیں

تمہارے دل کو محبت سے خوش گمانیاں ہیں

کوئی کسی کا نہیں ہے یہ سب کہانیاں ہیں

تری یہ روح ہماری ہے ٹھیک ہے لیکن

وہ جن کے پاس ترے جسم کی نشانیاں ہیں

کسی کے ساتھ تعلق نہیں رہا میرا

یہ تیرے ساتھ تعلق کی مہربانیاں ہیں

نہ تم رہے نہ تمہاری کشش رہی پھر بھی

ہمارے شعر میں کس واسطے روانیاں ہیں

بہار رت میں اکیلے ہیں دیوتا میرے

خدایا خیر ہو جیسی وہاں جوانیاں ہیں

بچھڑ چکا ہوں میں لیکن وہ اس گمان میں ہے

ہمارے درمیاں تھوڑی سی بدگمانیاں ہیں